ԲԱԹՈՒՄ, 3 ՀՈՒԼԻՍԻ, ՆՈՅՅԱՆ ՏԱՊԱՆ: Հուլիսի 1-ին Աջարիայի մայրաքաղաք Բաթումում ավարտվեց սուսերամարտի միջազգային պատանեկան մրցաշարը, որին Հայաստանից մասնակցեցին 20 մարզիկ-մարզուհիներ: Ճկասուսերակիր Հասմիկ Աղաբաբյանը (Բյուրեղավան) հաղթեց իր բոլոր մրցակցուհիներին եւ գրավեց 1-ին տեղը: Ճկասուսերակիր Ժորա Վարդանյանը եւ խոցասուսերակիր Արամայիս Գաբոյանը (երկուսն էլ` Արաբկիրի թաղապետարանի մարզադպրոց) տուն վերադարձան երկրորդ մրցանակով: Իսկ նրանց 5 թիմակիցներ կանգնեցին պատվո պատվանդանի երրորդ հարթակին:

---