ԵՐԵՎԱՆ, 11 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Ալ.Սպենդիարյանի անվան օպերայի եւ բալետի ակադեմիական թատրոնում հոկտեմբերի 10-ին տեղի ունեցել Մխիթար Հերացու անվան պետական բժշկական համալսարանի հիմնադրման 90-ամյակին նվիրված հանդիսավոր միջոցառումը, որին ներկա է գտնվել ՀՀ վարչապետ Տիգրան Սարգսյանը: Ինչպես «ՆՏ»-ին հայտնեցին ՀՀ կառավարության Տեղեկատվության եւ հասարակայնության հետ կապերի վարչությունից,Տ.Սարգսյանը ուսումնական բժշկական համալսարանի երախտավորներին է հանձնել ՀՀ նախագահի հրամանագրով շնորհված մեդալներն ու պատվավոր կոչումները, ինչպես նաեւ բուհի մի շարք դասախոսների պարգեւատրել է ՀՀ վարչապետի հուշամեդալով եւ շնորհակալագրերով:

---