Քաջարանյան ընդերքի հոշոտման գրծընթացը շարունակվում է. գործառույթը վերահսկող սյունիքյան կառույցը մահացած է
15-05-2018 18:15:08 | Սյունիքի մարզ | Վերլուծություն
Մհեր Պոլոսկովի խելացնոր նախաձեռնությունը. փոխվում է Ողջի գետի հունը. գիտի՞ այդ մասին բնապահպանության նախարարությունը
Քաջարանում կատարվում են իրադարձություններ, որոնց դժվարությամբ կարելի է հավատալ անգամ աչքով տեսնելուց հետո:
«Զանգեզուրի ՊՄԿ» ՓԲ ընկերության տնօրեն Մհեր Պոլոսկովը ձեռնամուխ է եղել Ողջի գետի հունը մասնակիորեն (մասամբ) փոխելու ծրագրի իրագործմանը:
Քաջարան գյուղի եւ Քաջարան քաղաքի միջնամասում՝ կոմբինատի հրշեջ ծառայությունից դեպի արեւմուտք ընկած հատվածում, Ողջի գետը մտցվում է խողովակաշարի մեջ, տեղափոխվում դեպի հյուսիս:
Ողջին մոտ 100 մ չափով նշված տարածքում արդեն իսկ կհոսի ոչ իր բնական հունով՝ խախտելով առանց այդ էլ խախտված բնապահպանական հավասարակշռությունը Քաջարանում:
Գետը խողովակաշար մտցնելու եւ հունը տեղափոխելու խելահեղությունը շարունակվում է: Թե եւս քանի մետր գետը կհոսի խողովակաշարով ու ոչ իր հունով, դժվար է հիմա ասել:
Հանքարդյունաբերության տեղացի մասնագետները մեզ համոզում են, որ դա քաջարանյան ընդերքի հոշոտմանը նոր թափ հաղորդելուն միտված անաղմուկ քայլ է, քանի որ այդ հատվածում մոլիբդենի հանքանյութի հարուստ երակ կա, իսկ Ողջին սահման է գործող (թույլատրված) հանքավայրի համար:
Քաջարանի համայնքային իշխանությունը, բնականաբար, չի կարող խոչընդոտել այդ կամայականությանը:
Բնապահպանության նախարարության՝ այդ գործառույթը վերահսկող սյունիքյան կառույցն (իր ղեկավարով) մահացած է վաղուց եւ չի կարող չափ դնել Մհեր Պոլոսկովի կամայականություների ու ախորժակի վրա:
Իսկ Հայաստանի Հանրապետության բնապահպանության նախարարությունը գիտի՞, թե ինչ է կատարվում Ողջի գետի հետ:
ՀԱՅԵՐԵՆ
Русский
English
Դաս. հայերեն
French
