Հակառակորդի կողմից սպանության փորձ կատարելու դեպքի առթիվ քրգործ է հարուցվել. ՔԿ

08-06-2018 16:53:00 | Արցախ (ԼՂՀ) | Իրավունք

Երրորդ կայազորային քննչական բաժնում քննություն է տարվում՝ պարզելու պարտադիր ժամկետային զինծառայող, շարքային Գևորգ Խաչատրյանի վիրավորում ստանալու հանգամանքները:

Այս մասին հայտնում են ՀՀ քննչական կոմիտեի լրատվական ծառայությունից։

2018թ. հունիսի 7-ին՝ ժամը 23:30-ի սահմաններում, N զորամասի պահպանության շրջանի մարտական դիրքի ուղղությամբ հակառակորդի կողմից արձակած կրակոցի հետևանքով կրծքավանդակի շրջանում հրազենային գնդակային միջանցիկ վիրավորում է ստացել պարտադիր ժամկետային զինծառայող, շարքային Գևորգ Անդրանիկի Խաչատրյանը: Վերջինս տեղափոխվել է զինհոսպիտալ, նրա վիճակը գնահատվում է ծանր:

Երրորդ կայազորային քննչական բաժնում հարուցվել է քրեական գործ՝ ազգային, ռասայական կամ կրոնական ատելության կամ կրոնական մոլեռանդության շարժառիթով սպանության փորձ կատարելու դեպքի առթիվ:

Կատարվում է նախաքննություն:

Նոյյան տապան - Իրավունք

Կարդացել են 629 անգամ

https://s1.merlive.am/Noian_Tapan/embed.html?autoplay=false&play

Հակառակորդի կողմից սպանության փորձ կատարելու դեպքի առթիվ քրգործ է հարուցվել. ՔԿ

Noyan Tapan TV