ԻՏՁՄ-ն ընդլայնում է իր գործունեության ոլորտը և այսուհետ կկոչվի Առաջատար տեխնոլոգիաների ձեռնարկությունների միություն (ԱՏՁՄ)

25-06-2018 16:49:36 | Հայաստան | Մամլո հաղորդագրություն

Ինֆորմացիոն տեխնոլոգիաների ձեռնարկությունների միությունը (ԻՏՁՄ-UITE)՝ որպես Հայաստանի 80-ից ավելի տեղեկատվական տեխնոլոգիաների ոլորտի ընկերությունների խոշորագույն բիզնես ասոցիացիա, ընդլայնում է իր գործունեությունը՝ ներառելով առաջատար տեխնոլոգիաների ոլորտը:

Միությունը այժմ կկոչվի Առաջատար տեխնոլոգիաների ձեռնարկությունների միություն (ԱՏՁՄ-UATE) :

«Տեղեկատվական տեխնոլոգիաների ոլորտի հիմնախնդիրները մոտ 90%-ով համընկնում են առաջատար այլ ոլորտների խնդիրների հետ. ինչպես օրինակ՝ կրթության հիմնախնդիրներն ու կադրերի պատաստումը, «Հայաստանը՝ որպես բարձր տեխնոլոգիական երկիր» բրենդի առաջխաղացումը, ռազմարդյունաբերության ոլորտում բարձր տեխնոլոգիաների կիրառումը և այլն: Կարծում եմ, որ առաջատար տեխնոլոգիական ընկերությունների ընդգրկումը մեր ասոցիացիայի մեջ՝ կուժեղացնի մեր հնարավորությունները նշված խնդիրների համապարփակ լուծման համար», - նշում է ԱՏՁՄ գործադիր տնօրեն Կարեն Վարդանյանը :

Արդեն 18 տարի է՝ ինչ Միությունը իր անդամ ՏՏ ընկերությունների ջանքերի շնորհիվ Հայաստանում ներդրում է կատարել ի նպաստ ոլորտի զարգացմանը, շահերի պաշտպանմանը և գիտելիքի նկատմամբ արժեհամակարգի փոփոխմանը :

ԱՏՁՄ-ն, ընդլայնելով իր գործունեության ոլորտը, այժմ աշխատանքներ կուղղի նաև առաջատար տեխնոլոգիաների ոլորտի աջակցման համար և կընդունի անդամագրության հայտեր նշված ոլորտի ընկերությունների կողմից :

Առաջատար տեխնոլոգիաների ձեռնարկությունների միություն

Նոյյան տապան - Մամլո հաղորդագրություն

Կարդացել են 469 անգամ

ԻՏՁՄ-ն ընդլայնում է իր գործունեության ոլորտը և այսուհետ կկոչվի Առաջատար տեխնոլոգիաների ձեռնարկությունների միություն (ԱՏՁՄ)

Noyan Tapan TV