Երևանի քաղաքապետը պետք է լինի ոչ թե Փաշինյանի քաղաքական թիմից` ՔՊ-ից, այլ մեկ այլ կուսակցության ներկայացուցիչ. Արթուր Սահակյան (տեսանյութ)
30-07-2018 21:39:07 | Հայաստան | Քննարկում
Երևանում առաջիկայում սպասվում են քաղաքապետի ընտրություններ, որոնք շատ են կարևորվում: Այսօր «Նոյյան Տապան» լրատվական կենտրոնի ուղիղ եթերում հեռարձակված «Քննարկում» հաղորդաշարի ընթացքում անդրադառնալով Երևանի քաղաքապետի սպասվող ընտրություններին, Լոս Անջելեսում գործող AMG հեռուստաընկերության «30 րոպե» ծրագրի հեղինակ և վարող, «Հայ-ամերիկյան քաղաքացիական աջակցության կենտրոն» ՀԿ նախագահ Արթուր Սահակյանն ասաց (դիտել 55:03-ից).
«Երեկ հայտնի դարձավ, որ «Քաղաքացիական պայմանագիրը» առաջարկել է դերասան Հայկոյի թեկնածությունը, նա է ներկայացնելու: Ես ոչինչ չունեմ դեմ ասելու, պարզապես ով էլ լինի ՔՊ-ի ներկայացուցիչը, ես կարծում եմ, որ լավ կլինի, ճիշտ կլինի, որ Երևանի քաղաքապետի պաշտոնը զբաղեցնի ոչ ՔՊ-ական մեկը: Ասեմ ինչու. ոչ թե որ ես դեմ եմ Նիկոլ Փաշինյանին, ընդհակառակը` ես կողմ եմ և, ինչպես տեսնում եք, ողջունում եմ նրա բոլոր ճիշտ գործողությունները` հակակոռուպցիոն և այլն, և այլն, դրա մասին չէ խոսքը: Պարզապես Երևանի քաղաքապետի պաշտոնը ազդեցիկ է, քաղաքական պաշտոն է նաև ինչ-որ առումով: Քաղաքապետը պետք է լինի մաքուր անձնավորություն, ճիշտ կենսագրություն ունեցած ու նաև որոշակի փորձ ունեցող, որը կբերի նաև որոշակի հակակշիռների մեխանիզմներ: Եթե բոլորը նույն կուսակցությունից են` մարզերով, գյուղերով… Հանրապետականն էլ էր այդպես, ու լճացավ, բոլորն աչք էին փակում մեկը մյուսի վրա:
Պետք է լինի որոշակի հակակշիռ, դրանից կշահի միայն հասարակությունը, եթե լինի մեկ այլ կուսակցության ներկայացուցիչ` մաքուր անձնավորություն, մաքուր պատմություն ունեցող, ու կա նաև կառավարություն, իրենք մեկը մյուսին զսպելով, կբերեն նրան, որ և քաղաքը շահի, և հասարակությունն ընդհանրապես շահի»:
Հարցազրույցին կարելի էր հետևել ԱՄՆ հայկական AABC հեռուստաընկերության ուղիղ եթերում, ինչպես նաև առցանց` «Նոյյան Տապան» լրատվական կենտրոնի www.nt.am կայքով, «Նոյյան Տապան» հեռուստաընկերության Youtube-յան ալիքով, «Նոյյան Տապան» ֆեյսբուքյան էջում և «Noyan Tapan» ֆեյսբուքյան խմբում։
Հաղորդումները ուղիղ հեռարձակմամբ կարելի է դիտել Նոյյան Տապան Ալիքով, որը հեռարձակվում է հետույալ մալուխային ցանցերով․
Հաղորդման ուղիղ հեռարձակման ընթացքում կարելի է զանգահարել եւ հարցեր ուղղել բանախոսներին ամերիկյան 818 967 53 21 եւ հայաստանյան +374 60 35 11 31 հեռ/համարներով, Wiber, WhatsApp +374 55 50 90 75 համարով:
«Նոյյան Տապան»-ին աջակցել ցանկացողները կարող են մուտք գործել համապատասխան բաժինը հետեւյալ հղումներով
Սիրելի հայրենակիցներ, մենք շատ ուրախ ենք տեսնել ձեր գրառումները եւ քննարկումները, սակայն հայհոյանքները ջնջվելու են, իսկ գռեհիկ գրառումների հեղինակները արգելափակվելուեն։