«Մանչեսթեր Յունայթեդ»-ի գլխավոր մարզիչ Ալեքս Ֆերգյուսոնը հերքել է այն տեղեկությունը, թե իբր ինքը հետաքրքված է «Շալկե-04»-ի եւ Գերմանիայի հավաքականի դարպասապահ Մանուել Նոյերի ծառայություններով: Նշենք, որ Նոյերն արդեն այս մրցաշրջանից հետո մտադիր է լքել գելզենկիռխենյան ակումբը, չնայած «Շալկեի» հաջող մրցելույթներին Չեմպիոնների Լիգայում: Հատկանշական է, որ «Շալկե-04»-ը ապրիլի 27-ին հենց «կարմիր սատանաների» հետ կմրցի հեղինակավոր մրցաշարի կիսաեզրափակիչ փուլի առաջին խաղում:

---