Փամփուշտը վիրավորում է գլխից, ուղեղն է «գյուլլեն» ծակում, անցնում, Վարդանը կենդանի է, Գեղազնիկը` մահացած. Վովա Վարդանով (տեսանյութ)
07-08-2018 22:55:34 | Հայաստան | Քննարկում
Հիմա եկել է այն ժամանակը, երբ որ կարելի է շատ հարցեր բարձրացնել, այդ հարցերի մեջ նաև` զինվորների բուժպատրաստության և բուժօգնության համալիրը: Այս համոզմունքին է առաջին հետախուզադիվերսիոն ջոկատի հիմնադիր ու հրամանատար, «Ողջ մնալու արվեստ» կազմակերպության ղեկավար Վովա Վարդանովը: Նրա կարծիքով, ցանկացած զինվոր պետք է կարողանա տիրապետել բուժօգնության որոշ կարողությունների, որպեսզի անհրաժեշտության դեպքում և՛ իրեն բուժօգնություն ցուցաբերի, և՛ ընկերոջը: Նշված կարողություններին տիրապետելու համար, ըստ նրա, պահանջվում է 32 ժամ և ջանասիրություն:
«Մի հասարակ օրինակ բերեմ,- այսօր «Նոյյան Տապան» լրատվական կենտրոնի «Քննարկում» հաղորդաշարի ուղիղ եթերում ասաց Վովա Վարդանովը:- Շարքում ավտոմատի կրակահերթից վիրավորվում է ոտքից Գեղազնիկը (ազգային հերոս Չաուշը), մյուս փամփուշտը վիրավորում է Ենոքյան Վարդանին (հատուկ նշանակության խմբի հետախույզ, մեր ջոկատից Վարդանին): Վիրավորում է գլխից, գլխուղեղային վիրավորվածություն է ստանում, ուղեղն է «գյուլլեն» ծակում, անցնում: Վարդանը կենդանի է, Գեղազնիկը` մահացած, որովհետև Գեղազնիկին օգնություն էին հասցնում իր ջոկատի տղաները, ովքեր որ այդ պատրաստությունը չէին տեսել, իսկ Ենոքյան Վարդանին բուժօգնություն հասցնում էր մեր ջոկատից Մկրտչյան քաչալ Սերգոն: Եվ նա կարողացավ գլխուղեղային վիրավորվածությունով Վարդանին հասցնել հիվանդանոց այն վիճակում, որ ինքը սաղ մնաց, Գեղազնիկին հասցրեցին հիվանդանոց այն վիճակում, որ նա արյունաքամ եղավ և մահացավ»:
Հաղորդման ուղիղ հեռարձակման ընթացքում կարելի է զանգահարել եւ հարցեր ուղղել բանախոսներին ամերիկյան 818 967 53 21 եւ հայաստանյան +374 60 35 11 31 հեռ/համարներով, Wiber, WhatsApp +374 55 50 90 75 համարով:
«Նոյյան Տապան»-ին աջակցել ցանկացողները կարող են մուտք գործել համապատասխան բաժինը հետեւյալ հղումներով
Սիրելի հայրենակիցներ, մենք շատ ուրախ ենք տեսնել ձեր գրառումները եւ քննարկումները, սակայն հայհոյանքները ջնջվելու են, իսկ գռեհիկ գրառումների հեղինակները արգելափակվելուեն։