«Որովհետև,- ասաց քաղաքագետը,- սա բազավորված է քրիստոնեության, այսպես ասած, փիլիսոփայության ենթատեքստի վրա, ուրիշ կերպ չի կարող լինել, և մեր պարագայում Հայաստանյայց Առաքելական եկեղեցու դավանանքի, հայկական մեր ազգային մեկնաբանության: Ով որ լավ գիտի դավանանքների պատմությունը, տեսությունը, գիտի որ մենք, այսպես ասած, դարերով հայտնի ենք եղել քրիստոնեական ընտանիքում կարծես ազգային եկեղեցի, այս նրբերանգը պետք է հանել: եվ այդ ավազանում բոլորիս հայտնի է, որ կերտվել են հայկական պետականություններ (այդ տխմար թեզիսը թողնենք, որ անընդհատ պետություն չենք ունեցել), իրավաքաղաքական միտք է մշակվել, մշակույթ է ստեղծվել, ասենք, գագաթը վերցնենք, ենթադրենք, Կոմիտաս վարդապետը և այլն: Եվ այսպես մենք որոշեցինք, այսպես ընդհանուր մի բանաձևով, որ, ուրեմն, ավանդույթի վերամեկնաբանությունը` նոր իրողությունների ու նոր շերտերի վրա, ինչ-որ քրիստոնեադեմոկրատիայի արժեհամակարգի մեջ է: Մերը, ասացի, ազգային, որովհետև մենք պետք է հիշենք, այսօր քանի որ մեկնարկային խոսակցություն է, առաջին անգամ եմ խոսում, ցանկացածը, եթե պիտի բանավիճի, պիտի հիշի, որ մենք երեք քրիստոնեական եկեղեցիների ընտանիքի մեջ (տվյալ պարագայում ես աշխարհայացքը նկատի ունեմ) երեքից մեկն ենք, հավասարների մեջ մեկը: Որն է. մենք մոնոֆիզիտ ենք, միաբնակ, իսկ կաթոլիկները և ուղղափառները դեոֆիզիտ են կամ երկաբնակ, այսինքն` սա այն գլխից այն բոլորի պատասխանը, ովքեր պիտի մեզ ջրեն, գցեն, այսպես ինչ-որ խառնաշփոթ սարքեն: Այս մեկնաբանությունը ծնում է աշխարհայացք, մշակույթ, կյանք և այլն, այսպես էլ որոշեցինք… Հույս ունենք, որ լինելու է շատ առանցքային կուսակցություն, ինչի՞  համար… Ըստ էության, այն կոչված է աջ կենտրոն զբաղեցնելու ըստ դասական կերպարի, իսկ Հայաստանը խորհրդարանական հանրապետություն է, ուզենք-չուզենք, դրա համար դասական մոդելը, ինձ թվում է, աշխատելու է, ասեմ մեր պատկերացումը, ինչ-որ մենք ունեցել ենք: Դա շատ հետաքրքիր է, որովհետև երկար քննարկումներ են եղել կուլիսներում, ոչ թե գաղտնի, այլ դե պարզ է, գիտության, քաղաքական գործիչների, մշակութաբանների հետ խոսակցություն է եղել, որովհետև մերը և մշակութաբանական ենթատեքստ ունի»:

 

Օգոստոսի 11-ին Երևանի ժամանակով ժամը 10:00-ից 11։00-ը հաղորդմանը կարելի էր հետևել ԱՄՆ հայկական AABC հեռուստաընկերությամբ, ինչպես նաև առցանց՝  «Նոյյան Տապան»-ի www.nt.am կայքով, «Նոյյան Տապան» հեռուստաընկերության Youtube-յան ալիքով, «Նոյյան Տապան» ֆեյսբուքյան էջում  և «Noyan Tapan » ֆեյսբուքյան խմբում։

 

 

Մանրամասները` տեսանյութում

 

Նոյյան տապան  -   Քննարկում