Ես գրեթե բացառում եմ ԱՄՆ-ի կողմից Արցախի տարածքն Իրանի դեմ օգտագործելը. Արման Նավասարդյան (տեսանյութ)
10-08-2018 19:41:45 | Հայաստան | Քննարկում
«Նոյյան Տապան» հեռուստաընկերության Youtube-յան ալիքի օգտատերերից մեկը հարց էր ուղղել մեզ` խնդրելով այն առաջադրել մասնագետի:
«Իրանի հյուսիս-արևելքում ապրում է 20 միլիոնից ավելի ազերի, Իսրայելը ԱՄՆ-ի և Ադրբեջանի միջոցով ցանկանում է Իրանը ներսից բունտերի միջոցով թուլացնել և ռազմական գործողություններ սկսել,- գրել է նա:- Ազերիներն առավոտվանից իրիկուն, տարիներ շարունակ գլուխները մտցրել են, որ Իրանի նշված տարածքները պետք է դառնան իրենց երկրի մի մասը, իսկ իրենց ժողովուրդները միանան իրար»:
Ըստ օգտատիրոջ, Արցախն այսօր շատ մեծ վտանգի տակ է, Ադրբեջանն օգնություն է խնդրելու միջազգային հանրությունից, որ օգնեն իրեն պաշտպանել Իրանի ազերի բնակչությանը, նա իր օդային և ցամաքային տարածքը տրամադրելու է ԱՄՆ-ին, որ իրեն օգնի: Քանի որ Արցախը ճանաչված չէ ՄԱԿ-ի կողմից, ԱՄՆ-ը կարող է օգտագործել Արցախի օդային և ցամաքային տարածքները, առանց հարցնելու Հայաստանի կամ Արցախի իշխանություններին, և, ահա, այստեղ է ամենամեծ վտանգը:
Այսօր «Նոյյան Տապան» լրատվական կենտրոնի «Քննարկում» հաղորդաշարի ուղիղ եթերում Հայ-ռուսական (Սլավոնական) համալսարանի համաշխարհային քաղաքականության և միջազգային հարաբերությունների ամբիոնի վարիչ, Հայաստանի դիվանագիտական հիմնադրամի նախագահ, ՀՀ արտակարգ և լիազոր դեսպան Արման Նավասարդյանը պատասխանելով վերոնշյալ հարցին, ասաց.
«Ես գրեթե բացառում եմ դեպքերի նման զարգացումը` օգտագործել Արցախի տարածքը Իրանի դեմ Ամերիկայի կողմից,- ասաց Արման Նավասարդյանը:- Ես ուրիշ բան կարող եմ ենթադրել ու պատկերացնել, որ դեպքերը զարգանում են այնպես, որ Ադրբեջանը նման դերակատարություն ունենա, որովհետև նման իրադրություն եղել է, նրանք օգնել են և փորձել են օգնել Իսրայելին այդ առումով: Սրանք շատ հետաքրքիր պահեր են քաղաքական առումով: Դրա վրա նաև ավելացնենք Ատրպատականի հարցը՝ այդ 20 միլիոնի… Հիմա, իրոք, այդ վտանգը կա, իրոք, Ադրբեջանն ամեն ինչ անում է, բայց Ադրբեջանը նաև հարաբերություններ ունի և ոչ միայն երկկողմ հարաբերություններ ունի, այլև դաշնակցային հարաբերություն ունի Իրանի հետ: Հիմա Հայաստանի (ես սա միշտ ասել եմ, շեշտել եմ և նորից եմ ասում) դիվանագիտության խնդիրներից մեկը պետք է լինի այս բոլորն այնպես մեկնաբանել, զարգացնել և աշխատել Իրանի հետ, որպեսզի, եթե կոպիտ ասելու լինեմ, սեպ խրվի Իրանի և Ադրբեջանի միջև, ինչպես նաև Իսրայելի և Ադրբեջանի միջև: Ի միջի այլոց, ես նման մի հոդված ունեի, որը մեծ աղմուկ բարձրացրեց և Ադրբեջանում, և Իսրայելում: «Յերուսալիմ պոստը» գրել էր, որ Նավասարդյանն այսպիսի կոչ է անում… Այո, ես նման կոչ եմ անում, որովհետև քաղաքականությունն այնպիսի մի բան է, որ պետք է օգտագործել այն թուլությունները և այն սայթաքումները, որոնք տեղի են ունենում մեր թշնամիների ճամբարում»:
Արման Նավասարդյանը Հայաստանի անկախացումից հետո նշանակվել է ՀՀ արտաքին գործերի նախարարի տեղակալ: Գլխավորել է Հայաստանի պատվիրակությունը ԵԱՀԿ-ում և ՄԱԿ-ի՝ Վիեննայում գործող բոլոր միջազգային կազմակերպություններում: Աշխատել է դեսպան Ավստրիայում, Հունգարիայում և Լիբանանում:
Երևանի ժամանակով ժամը 10:00-ից 11։00-ը հաղորդմանը ուղիղ եթերով կարելի էր հետևել ԱՄՆ հայկական AABC հեռուստաընկերությամբ, ինչպես նաև առցանց՝ «Նոյյան Տապան»-ի www.nt.am կայքով, «Նոյյան Տապան» հեռուստաընկերության Youtube-յան ալիքով, «Նոյյան Տապան» ֆեյսբուքյան էջում և «Noyan Tapan» ֆեյսբուքյան խմբում։
Հաղորդումները ուղիղ հեռարձակմամբ կարելի է դիտել Նոյյան Տապան Ալիքով, որը հեռարձակվում է հետևյալ մալուխային ցանցերով․
Հաղորդման ուղիղ հեռարձակման ընթացքում կարելի է զանգահարել եւ հարցեր ուղղել բանախոսներին ամերիկյան 818 967 53 21 եւ հայաստանյան +374 60 35 11 31 հեռ/համարներով, Wiber, WhatsApp +374 55 50 90 75 համարով:
«Նոյյան Տապան»-ին աջակցել ցանկացողները կարող են մուտք գործել համապատասխան բաժինը հետեւյալ հղումներով
Սիրելի հայրենակիցներ, մենք շատ ուրախ ենք տեսնել ձեր գրառումները եւ քննարկումները, սակայն հայհոյանքները ջնջվելու են, իսկ գռեհիկ գրառումների հեղինակները արգելափակվելուեն։
ՀԱՅԵՐԵՆ
Русский
English
Դաս. հայերեն
French
