ԼՏՊ֊Ռոբիկ֊Սերժիկ֊ները հո հող հանձնող չէին ծնվել.Նիկոլը ինչ է՞ պատասխանելու

26-09-2018 15:10:02 | Հայաստան | Քաղաքական

Իսկ եթե Բաքուն հակադարձի, որ հայկական կողմն է վերահսկում ոչ միայն Ղարաբաղի հայաբնակ շրջանները, այլև Ադրբեջանի ևս 7000քառ․կմ տարածք, որից պատերազմի արդյունքում տարհանվել է Ղարաբաղի բնակչությունից բազմապատիկ շատ ադրբեջանցի։ Ստացվում է, որ հայկական կողմին է, որ չի հետաքրքրում ժողովուրդը, այլ միայն այդ դատարկ տարածքը։

Սրան Նիկոլը ինչ է՞ պատասխանելու իր ելույթում Արցախի մասին ասածից հետո։

Այդքանից հետո, եթե Ադրբեջանը հայտարարի, որ համաձայն է բանակցել Ստեփանակերտի հետ, պայմանով, որ Երևանն ու Ստեփանակերտը պաշտոնապես ճանաչեն այդ ադրբեջանցիների տուն վերադառնալու և իրենց բնակած շրջաններում ինքնորոշվելու նույնպիսի իրավունք, ինչ պահանջում է ԼՂԻՄ֊ի տարածքի հայության համար։

Սրա պատասխանը որն է՞։

Քանի ուշ չէ, Նիկոլ Փաշինյանը պետք է գիտակցի, որ Տեր֊Պետրոսյանի արցախյան քաղաքականությունը նմանակելը հղի է նույնպիսի հողհանձնողական հետևանքներով, ինչը տեսնում էինք ԼՏՊ֊Ռոբիկ֊Սերժիկ դարաշրջանում։ Թե չէ ԼՏՊ֊Ռոբիկ֊Սերժիկ֊ները հո հող հանձնող չէին ծնվել։