ՀՀ կառավարությունը ՌԴ փոխվարչապետի կողմից նամակ չի ստացել. Փոխվարչապետի գրասենյակից հերքում են գազի գնի հետ կապված մամուլում տարածված լուրը
20-12-2018 14:06:56 | Հայաստան | Հասարակություն
ՀՀ փոխվարչապետի պաշտոնակատար Տիգրան Ավինյանի գրասենյակի ղեկավար Վարագ Սիսեռյանն անդրադարձել է մամուլում տարածված այն տեղեկատվությանը, թե Ռուսաստանը Հայաստանին գազի նոր գին է առաջարկել, որը կազմում է 215 դոլար 1000 խմ-ի դիմաց:
• Այս պահին գազի գնի առնչությամբ որոշում չկա և չկա որևէ ամրագրված սակագին:
• ՀՀ կառավարությունը ՌԴ փոխվարչապետ Դմիտրի Կոզակի կողմից նամակ չի ստացել, նման նամակ գոյություն չունի:
ՌԴ փոխվարչապետ Դմիտրի Կոզակը և ՀՀ փոխվարչապետի պաշտոնակատար Տիգրան Ավինյանը ունեցել են հեռախոսազրույց, որի ժամանակ քննարկվել են բանակցությունների ընթացքի ձևաչափը և հետագա փուլերը: Հավելեմ նաև, որ այս հարցի վերաբերյալ մեր ռուս գործընկերների հետ ընթանում են բանակցություններ փոխվստահության և փոխըմբռնման միջավայրում, որտեղ վերջնագրեր չեն եղել և չեն կարող լինել»: