Երևանի քաղաքապետարանի նախաձեռնությամբ սոցիալապես անպահով ընտանիքների 4000 երեխաների համար տոնական ներկայացում է կազմակերպվել. «Արմենպրես»
27-12-2018 18:31:13 | Հայաստան | Մշակույթ
Երևանի քաղաքապետարանի նախաձեռնությամբ սոցիալական մի շարք խմբերում ընդգրկված ընտանիքների 4000 երեխա հնարավորություն է ունեցել Հակոբ Պարոնյանի անվան երաժշտական կոմեդիայի պետական թատրոնում դիտելու ամանորյա տոնական ներկայացում:
Ինչպես «Արմենպրես»-ին տեղեկացրին Երեւանի քաղաքապետարանից, ծրագրում ընդգրկվել են մասնավորապես անապահովության գնահատման համակարգում հաշվառված, ՀՀ և Արցախի պաշտպանության մարտական գործողությունների ժամանակ զոհվածների, հաշմանդամություն ունեցող անձանց, ինչպես նաև բազմազավակ, միակողմանի ծնողազուրկ, կարիքավոր սիրիահայ և սոցիալական այլ խմբերում ընդգրկված ընտանիքների երեխաները: