Մարդու անանուն հանդես գալը մարդու իրավունքներից մեկն է, որը որևէ մեկն իրավունք չունի խախտել. Արթուր Վանեցյան (ՏԵՍԱՆՅՈՒԹ)
10-04-2019 16:52:59 | Հայաստան | Իրավունք
Մարդու անանուն հանդես գալը մարդու իրավունքներից մեկն է, որը որևէ մեկն իրավունք չունի խախտել:
Այս մասին ապրիլի 10-ին Բարձրագույն դատական խորհրդի (ԲԴԽ) կազմավորման 1-ամյակին նվիրված միջոցառումից հետո լրագրողների հետ ճեպազրույցում նշեց Ազգային անվտանգության ծառայության պետ (ԱԱԾ) Արթուր Վանեցյանը:
Ըստ նրա՝ բոլորովին այլ բան է, երբ կոնկրետ անձը հանդես է գալիս այլ անձի տվյալներով և փորձում է համացանցում կամ հասարակության շրջանում տարածել հանցակազմ պարունակող տեղեկատվություն:
«Երբ որ քննությունը կհասնի այն փուլին, երբ հնարավոր կլինի բացահայտել նախաքննության տվյալները, ամբողջովին պարզ կլինի»,- ընդգծեց Ա. Վանեցյանը՝ պատասխանելով լրագրողի այն հարցին, թե պարզե՞լ են արդյոք՝ ո՞վ է միլիոններ ծախսել «Դուխով Հայաստան բաց հասարակություն» ֆեյսբուքյան էջով ֆեյք լուրեր տարածելու համար:
Հիշեցնենք, որ օրերս կալանավորվել է «Դուխով Հայաստան բաց հասարակություն» էջը վարող անձը։ Նրան մեղադրանք է առաջադրվել «Ազգային, ռասսայական կամ կրոնական թշնամանք հարուցելու» հոդվածով։
ՀԱՅԵՐԵՆ
Русский
English
Դաս. հայերեն
French
