Քննարկվել է առողջապահության ոլորտում համատեղ նոր ծրագրեր իրականացնելու հնարավորությունը
23-07-2019 16:28:18 | Հայաստան | Հասարակություն
Առողջապահության նախարարի տեղակալ Հովհաննես Հարությունյանը հանդիպել է «Փարոս» հիմնադրամի գործադիր տնօրեն Փիթր Աբաջյանին և հիմնադրամի ծրագրի ղեկավար Գեղամ Մինասյանին:
Հյուրերը ներկայացրել են հիմնադրամի առաքելությունը, ընթացիկ ծրագրերը և անցած ուղին` ընդգծելով, որ տարիներ ի վեր բարեգործական ծրագրեր են իրականացվել Հայաստանի մարզերում:
Կողմերը քննարկել են առողջապահության ոլորտում համատեղ նոր ծրագրեր իրականացնելու հնարավորությունը, ուրվագծել են փոխգործակցության եզրերը:
Պայմանավորվածություն է ձեռք բերվել ծրագրերի արդյունավետությունը բարձրացնելու նպատակով այսուհետև համակարգված աշխատելու: Իսկ նոր ծրագրերն ու անելիքները մշակել համատեղ` նախարարության որդեգրած քաղաքականությանը համահունչ:
ՀԱՅԵՐԵՆ
Русский
English
Դաս. հայերեն
French
