Վենեսուելան դադարեցնում է դիվանագիտական հարաբերությունները
Կոլումբիայի հետ
29-07-2009 17:16:00 | | Միջազգային
ԿԱՐԱԿԱՍ, 29 ՀՈՒԼԻՍԻ, ՆՈՅՅԱՆ ՏԱՊԱՆ: Ուգո Չավեսն ի նշան
բողոքի կոլումբիական զինված ուժերի այն հայտարարության, թե զենքի
խմբաքանակը, որ առգրավել են իրենք «Կոլումբիայի հեղափոխական զինված
ուժեր» (FARC) խմբավորման դեմ իրականացրած ռեյդի ժամանակ, գնված է
Վենեսուելայի կողմից Եվրոպայում, հայտարարել է Կոլումբիայի հետ
Վենեսուելայի դիվանագիտական հարաբերությունների խզման մասին:
Չավեսը իր օգնականների հետ հեռուստատեսությամբ հեռարձակվող
հանդիպման ընթացքում հայտարարել է, որ իր երկիրը Բոգոտայից ետ է
կանչում դեսպանին, ինչպես նաեւ կասեցնում է Կոլումբիայի հետ բոլոր
առեւտրական համաձայնագրերի գործողությունը:
Կանխավ Կոլումբիայի կառավարությունը հայտարարել էր FARC-ին
պատկանող իբր Վենեսուելայի կողմից գնված շվեդական արտադրության
հակատանկային նռնականետների խմբաքանակի բռնագրավման մասին: