ԲՐԱԶԻԼԻԱ, 10 ՀՈՒՆԻՍԻ, ՆՈՅՅԱՆ ՏԱՊԱՆ: Որոնողական ջոկատները հայտնաբերել են «Էյր Ֆրանս» ֆրանսիական ավիաընկերության Ատլանտյան օվկիանոսում հունիսի 1-ին անհետացած Ա330 ինքնաթիռի զոհված 41 ուղեւորների մարմինները, տեղեկացրել են Բրազիլիայի ՌՕՈՒ եւ ՌԾՈՒ ներկայացուցիչները: Վաղօրոք հաղորդվել էր ինքնաթիռում եղած 228 մարդուց 28 զոհվածների մարմինները հայտնաբերելու մասին: «Էյր Ֆրանսի» 447 չվերթը օդ էր բարձրացել Ռիո դե Ժանեյրոյի միջազգային օդանավակայանից եւ պետք է վայրէջք կատարեր Փարիզի Շառլ դը Գոլի անվան օդանավակայանում: Ինքնաթիռի հետ կապը խզվել էր թռիչքից չորս ժամ անց, երբ օդանավը գտնվում էր Ատլանտյան օվկիանոսի վրա: Այս աղետը ամենախոշորն էր «Էյր Ֆրանսի» 75-ամյա պատմության ընթացքում:

---