Սպանվել է Գվինեա-Բիսաուի նախագահի պաշտոնի թեկնածուն
05-06-2009 19:30:00 | | Միջազգային
ԲԻՍԱՈՒ, 5 ՀՈՒՆԻՍԻ, ՆՈՅՅԱՆ ՏԱՊԱՆ: Մի խումբ անհայտ անձինք
հունիսի 5-ին գնդակահարել են Գվինեա-Բիսաուի կառավարության
անդամին, որը հունիսի 28-ին նախանշված նախագահական
ընտրություններում երկրի նախագահի պաշտոնի թեկնածուներից էր:
Գվինեա-Բիսաուի նախորդ նախագահ Ժուան Բեռնարդու Վիեյրան մարտի
սկզբին սպանվել էր զինծառայողների կողմից պայթյունից հետո սկսված
բախումների ընթացքում, որի հետեւանքով զոհվել էր զինված ուժերի
շտաբի պետ Տագմե Նա Վաիեն:
Այժմ ժամանակավորապես պետության ղեկավարի պարտականությունները
կատարում է Գվինեա-Բիսաուի Ազգային վեհաժողովի (խորհրդարանի)
խոսնակ Ռայմունդո Պերեյրան: Նախընտրական քարոզարշավի սկիզբը
նախատեսված է հունիսի 6-ին: