Սպանուել է Գվինէա-Բիսաուի նախագահի պաշտօնի թեկնածուն
05-06-2009 19:30:00 | | Միջազգային
ԲԻՍԱՈՒ, 5 ՅՈՒՆԻՍԻ, ՆՈՅԵԱՆ ՏԱՊԱՆ: Մի խումբ անյայտ անձինք
յունիսի 5-ին գնդակահարել են Գվինէա-Բիսաուի կառավարութեան
անդամին, որը յունիսի 28-ին նախանշված նախագահական
ընտրութիւններում երկրի նախագահի պաշտօնի թեկնածուներից էր:
Գվինէա-Բիսաուի նախորդ նախագահ Ժուան Բեռնարդու Վիեյրան մարտի
սկզբին սպանուել էր զինծառայողների կողմից պայթիւնից յետոյ սկսուած
բախումների ընթացքում, որի հետեւանքով զոհուել էր զինուած ուժերի
շտաբի պետ Տագմե Նա Վաիեն:
Այժմ ժամանակաւորապէս պետութեան ղեկավարի պարտականութիւնները
կատարում է Գվինէա-Բիսաուի Ազգային վեհաժողովի (խորհրդարանի)
խօսնակ Ռայմունդո Պերեյրան: Նախընտրական քարոզարշավի սկիզբը
նախատեսուած է յունիսի 6-ին: