«Նաիրիտ» գործարանի քլորոպրենի արտադրամասում տեղի ունեցած
վթարի պատճառները դեռեւս ճշտվում են
03-06-2009 20:00:00 | Հայաստան | Տնտեսություն
ԵՐԵՎԱՆ, 3 ՀՈՒՆԻՍԻ, ՆՈՅՅԱՆ ՏԱՊԱՆ: «Նաիրիտ» գործարանի
քլորոպրենի արտադրամասում տեղի ունեցած վթարի պատճառները դեռեւս
ճշտվում են, թեեւ կարծես թե պարզ է, թե ինչի արդյունքում է վթարը
տեղի ունեցել»,- հունիսի 3-ին լրագրողների հետ զրույցում ասաց
Հայաստանի էներգետիկայի եւ բնական պաշարների նախարար Արմեն
Մովսիսյանը: Նրա խոսքերով, «վթարի պատճառը հիմնականում տեխնոգեն է,
սակայն առկա է նաեւ մարդկային գործոնը»:
Նշվեց, որ վթարի հետեւանքները վերացնելու համար նախնական
գնահատումներով կպահանջվի 150-200 հազար ԱՄՆ դոլար: Ներկայումս
ընթանում են արտադրամասի վերականգման աշխատանքները. մոնտաժային
աշխատանքներն հիմնականում ավարտվել են եւ, նախանշված ժամկետներում
գործարանը կվերագործարկվի: Սակայն, ըստ Ա.Մովսիսյանի, գործարանի
սեփականատիրոջ հետ ձեռք բերված պայմանավորվածության համաձայն,
գործարանը կգործարկվի միայն վթարի պատճառները ճշտելու դեպքում:
«Նաիրիտ»-ի գործարկումը շատ կարեւոր է, որպեսզի ներկայումս
միջազգային շուկաներում տիրող իրավիճակում գտնենք նոր շուկաներ եւ
չկորցնենք նաեւ եղած շուկաները»,- ասաց Ա.Մովսիսյանը: