Լավ աշխատողներն աշխարհում չեն բավարարում եւ ճգնաժամի
պայմաններում
29-05-2009 16:08:00 | ԱՄՆ | Միջազգային
ԲՈՍՏՈՆ, 29 ՄԱՅԻՍԻ, ՆՈՅՅԱՆ ՏԱՊԱՆ: Աշխարհի գործատուները
դեռեւս խնդիրներ ունեն բացված թափուր տեղերի համար հարմար մարդկանց
գտնելու հարցում, չնայած նույնիսկ մեծ թվով թեկնածուական
դիմումների առկայությանը ռեցեսիայի պայմաններում, ասվում է աշխարհի
խոշորագույն Manpower Inc. կադրային գործակալության ամփոփագրում:
Որակյալ աշխատուժի համաշխարհային պակասուրդը թեեւ դարձել է պակաս
սուր, սակայն մոտակա տարիներին իրավիճակը կվատթարանա
ժողովրդագրական միտումների պատճառով, ասվում է ամփոփագրում:
Աշխարհի գործատուների մոտ 30 տոկոսը գանգատվում է այն բարդ
իրավիճակից, որ ստեղծվել է հարմար մարդկանց պակասի պատճառով, եւ
դա, Manpower գործակալության տվյալներով, որը հարցում է անցկացրել
աշխարհի 33 երկրների 39 հազար գործատուների շրջանում, 31 տոկոսով
ավելի է նախորդ տարվա համեմատությամբ:
Ավելի ու ավելի շատ մարդիկ են աշխատանք փնտրում, բայց նրանք
հաճախ չունեն անհրաժեշտ փորձը կամ հմտությունները, որ պահանջում են
գործատուները: