Լաւ աշխատողներն աշխարհում չեն բաւարարում եւ ճգնաժամի
պայմաններում
29-05-2009 16:08:00 | ԱՄՆ | Միջազգային
ԲՈՍՏՈՆ, 29 ՄԱՅԻՍԻ, ՆՈՅԵԱՆ ՏԱՊԱՆ: Աշխարհի գործատուները
դեռեւս խնդիրներ ունեն բացուած թափուր տեղերի համար յարմար մարդկանց
գտնելու հարցում, չնայած նոյնիսկ մեծ թւով թեկնածուական
դիմումների առկայութեանը ռեցեսիայի պայմաններում, ասւում է աշխարհի
խոշորագոյն Manpower Inc. կադրային գործակալութեան ամփոփագրում:
Որակեալ աշխատուժի համաշխարհային պակասուրդը թէեւ դարձել է պակաս
սուր, սակայն մօտակայ տարիներին իրավիճակը կը վատթարանայ
ժողովրդագրական միտումների պատճառով, ասւում է ամփոփագրում:
Աշխարհի գործատուների մօտ 30 տոկոսը գանգատւում է այն բարդ
իրավիճակից, որ ստեղծուել է յարմար մարդկանց պակասի պատճառով, եւ
դա, Manpower գործակալութեան տուեալներով, որը հարցում է անցկացրել
աշխարհի 33 երկրների 39 հազար գործատուների շրջանում, 31 տոկոսով
աւելի է նախորդ տարուայ համեմատութեամբ:
Աւելի ու աւելի շատ մարդիկ են աշխատանք փնտրում, բայց նրանք
յաճախ չունեն անհրաժեշտ փորձը կամ հմտութիւնները, որ պահանջում են
գործատուները: