Արայիկ Հարությունյանը ձայների 88 տոկոսով ընտրվել է Արցախի նախագահ. ԿԸՀ
15-04-2020 11:56:48 | Արցախ (ԼՂՀ) | Քաղաքական
Արցախի ԿԸՀ նախագահ Սրբուհի Արզումանյանն այսօր հրավիրված մամուլի ասուլիսում հրապարակեց երեկ տեղի ունեցած նախագահական ընտրությունների 2-րդ փուլի նախնական արդյունքները:
Այսպիսով, ԿԸՀ-ն արձանագրել է քվեարկության արդյունքների հետեւյալ նախնական տվյալները.
Ընտրողների ընդհանուր թիվը՝ 104 777
Քվեարկությանը մասնակցողների թիվը 47 165
Անվավեր քվեաթերթիկների թիվը 1876
Մասիս Մայիլյանի օգտին քվեարկել է 5728 քաղաքացի կամ քվեարկության մասնակիցների 12 տոկոսը,
Արայիկ Հարությունյանի օգտին քվեարկել է 39 860 քաղաքացի կամ 88 տոկոսը:
Հիմք ընդունելով ԱՀ ընտրական օրենսգրքի 76-րդ հոդվածի 6-րդ մասի դրույթները` ընտրությունների արդյունքների վերաբերյալ որոշում կընդունվի 2020թ. ապրիլի 21-ին: