Ես գտնվում եմ Ստեփանակերտում և մտադիր չեմ որևէ տեղ մեկնել. Մասիս Մայիլյան
15-04-2020 12:29:17 | Արցախ (ԼՂՀ) | Քաղաքական
Արցախի նախագահի թեկնածու, ԱԳ նախարար Մասիս Մայիլյանը Ֆեյսբուքի իր էջում գրել է.
«Ընտրություններն ավարտվեցին, բայց իմ դեմ հայտարարված տեղեկատվական պատերազմը շարունակվում է։
Երևանյան լրատվամիջոցներից մեկը մի ապատեղեկատվություն է տարածել, ըստ որի անցած գիշեր ես իբր մի քանի օրով մեկնել եմ Հայաստանի մայրաքաղաք՝ իմ հետագա գործունեության հետ կապված հարցեր ճշտելու:
Իրականում ես գտնվում եմ Ստեփանակերտում և մտադիր չեմ որևէ տեղ մեկնել։ Ճիշտ այնպես, ինչպես չեմ հեռացել 2007-ին, երբ քաղաքական հետապնդումներ էին իրականացվում իմ ու կողմնակիցներիս նկատմամբ»։