Իրավիճակը լարվում է. ինչը չեն կարողանում կիսել ընդդիմությունը և իշխանությունը. (ՏԵՍԱՆՅՈՒԹ)
09-05-2020 12:14:19 | Հայաստան | Օրվա թեման
Աշխարհի բազմաթիվ խորհրդարաններում պատգամավորները երբեմն-երբեմն մասնակցում են արդեն դասական համարվող խորհրդարանական կռիվներին՝ Ուկրաինա, Ռուսաստան, Թուրքիա, Թայվան եւ այլն։
Հետհեղափոխական Հայաստանը հետ չի մնում նրանցից. Եվ այսօր, երբ Հայաստանի Ազգային Ժողովում քննարկվում էր կառավարության 2019 թվականի ծրագրի կատարման ընթացքը և արդյունքները, ընդդիմադիր և իշխանական պատգամավորները բռունցքներով հարձակվեցին միմյանց վրա։
Ամեն ինչ սկսվեց այսպես.
«Լուսավոր Հայաստան» խմբակցության ղեկավար Էդմոն Մարուքյանն ամբիոնից արձագանքում էր «Իմ քայլը» պատգամվոր Բաբկեն Թունյանին, երբ տեղից միջամտեց Սասուն Միքայելյանը՝ փորձելով ձեռքի տակ հայտնված ջրի շիշն ուղարկել Մարուքյանի ուղղությամբ։
Իսկ բուն ծեծկռտուքին նախորդել էին տեղից հնչած փոխադարձ վիրավորանքները, որոնց մեծ ուշադրությամբ հետեւում էր հանրությունը, որոշ ժամանակ անց՝ նաեւ ամբողջ համացանցը։
Միջադեպից հետո, երբ պատգամավորները վերադարձան նիստերի դահլիճ, Հայաստանի վարչապետը տեղի ունեցածը որակեց որպես սադրանք, նշելով, որ արդեն երկու տարի հեղափոխական թիմը այդ թվում այս խորհրդարանական մեծամասնությունը եւ կառավարությունը հետեւողականորեն ենթարկվում է բարոյական եւ հոգեբանական բռնությունների, որի նպատակն է խեղճացնել եւ քայքայել քաղաքական մեծամասությանը։ Նախօրեին Վարչապետը պատգամավոր Մարուքյանի հետ զրույցում նշել է, որ վերջինս այդ բռնությունները գործարկելու պլանի անբաժանելի մասն է։
Խորհրդարանում կատարվածը բնականաբար անարձագանք չմնաց հանրության կողմից. Ձեզ ենք ներկայացնում ֆեյսբուքում տեղ գտած հասարակական-քաղաքական կարծիքը միջադեպի կապակցությամբ։
ՀԱՅԵՐԵՆ
Русский
English
Դաս. հայերեն
French
