Շվարցենեգերը ուզում է օրինականացնել մարիխուանայի
օգտագործումը
06-05-2009 16:44:00 | ԱՄՆ | Միջազգային
ԼՈՍ ԱՆՋԵԼԵՍ, 6 ՄԱՅԻՍԻ, ՆՈՅՅԱՆ ՏԱՊԱՆ: Կալիֆորնիայի
նահանգապետ Առնոլդ Շվարցենեգերը հայտարարել է թեթեւ թմրադեղերի
օրինականացման հարցը քննելու իր պատրաստակամության մասին:
Շվարցենեգերը, խոսելով իր ծրագրերի մասին, հատուկ ընդգծել է,
որ խոսքը բացառապես վերաբերում է մարիխուանային: Միեւնույն
ժամանակ, նա առիթը բաց չի թողել հիշեցնելու, որ անձամբ դեմ է
թմրանյութերի օգտագործմանը, թեկուզ ամենաթեթեւ տեսակի:
1996 թվականին հենց Կալիֆորնիան էր առաջինը ԱՄՆ-ի
նահանգներից, որ թույլատրեց մարիխուանայի լեգալ օգտագործումը
նահանգի տարածքում, ճիշտ է, բացառապես բժշկական նպատակներով,
հաղորդում է MIGnews.com-ը: