ԱՄՆ-ի նախագահ Բարակ Օբաման Կալիֆոռնիայում այցելել է Facebook-ի կենտրոնական գրասենյակ եւ օն-լայն պատասխանել է Facebook սոցիալական ցանցի օգտատերերի հարցերին:
Ինչպես հաղորդում է «Ազատություն» ռադիոկայանը, հարցերը վերաբերում էին Օբամայի ադմինիստրացիայի տնտեսական մարտավարությանը: Նախագահը պատմեց ԱՄՆ-ում բյուջեյի դեֆիցիտի նվազման ծրագրերի մասին, որը ներառում է հարկերի բարձրացում բարձր եկամուտների հաշվին եւ պետության ծախսերի նվազեցում, ինչպես նաեւ խոսեց էներգետիկայի ոլորտում կատարվող բարեփոխումների մասին:
Դիտորդների կարծիքով Օբամայի հանդիպումը սոցիալական ցանցի օգտատերերի հետ 2012թ.-ի նախագահական նախընտրական քարոզարշավի առաջին քայլերից մեկն է: