Հայաստանում աշխատավարձ ստացող աշխատատեղերի քանակն ավելացել է շուրջ 3 հազարով
22-08-2020 13:00:36 | Հայաստան | Հասարակություն
Հայաստանում 2020թ. հուլիսի տվյալներով աշխատավարձ ստացող աշխատատեղերի քանակը նախորդ ամսվա համեմատ ավելացել է շուրջ 3 հազարով, Ֆեյսբուքի իր էջում գրել է ՀՀ վարչապետ Նիկոլ Փաշինյանը:
«2020 թվականի հուլիս ամսվա տվյալներով աշխատավարձ ստացող աշխատատեղերի քանակը Հայաստանում կազմել է 613 հազար, նախորդ ամսվա 610 հազար 300-ի փոխարեն: Նույն ցուցանիշը 2019 թվականի հուլիսին եղել է շուրջ 607 հազար»,- գրել է Փաշինյանը:
Վարչապետը հավելել է, որ առողջապահական և տնտեսական կարիքների բալանսավորման քաղաքականությունը տալիս է կոնկրետ արդյունք։