Բուդյոնովսկը Ստավրոպոլի երկրամասի երիտասարդական ընտանիքների
փառատոնում ներկայացնում էր հայկական ընտանիքը
05-06-2009 11:00:00 | Ռուսաստան | Մշակույթ
ԲՈՒԴՅՈՆՈՎՍԿ, 5 ՀՈՒՆԻՍԻ, ՆՈՅՅԱՆ ՏԱՊԱՆ - ՀԱՅԵՐՆ ԱՅՍՕՐ:
Բուդյոնովսկից հայկական ընտանիք է մասնակցել Ստավրոպոլի երկրամասի
«Ես+Ես=երիտասարդ ընտանիք» երիտասարդական ընտանիքների III
փառատոնին, որի եզրափակիչը կայացել է Բուդյոնովսկում մայիսի 23-ին:
17 երիտասարդ ընտանիքներ պայքարում էին Ստավրոպոլիեի
լավագույն ընտանիքի կոչման համար: «Եկեք ծանոթանանք», «Իմ ընտանիքը
իմ հարստությունն է», «Առողջ մարմնում առողջ հոգի», «Ուրախ
ընտանիք» մրցույթներում Բուդյոնովսկ քաղաքը ներկայացնում էր
Ավագյանների ընտանիքը, որը հաղթող էր ճանաչվել երիտասարդական
ընտանիքների քաղաքային փառատոնում: Ավագյանների ընտանիքի
անդամներից Արմենը հայտնի պարուսույց է, մի շարք պարային
կոլեկտիվների գեղարվեստական ղեկավարը, որոնց թվում բոլորին արդեն
լավ հայտնի եւ սիրված «Արցախ» հայկական պարի համույթը, իսկ Արմինեն
մեծացնում է Դավիթ որդուն:
Մրցութային ծրագրի երկրորդ մասը Արմենը եւ Արմինեն, իբրեւ
միջոցառման իսկական տանտեր, բացեցին ավանդական հայկական
հյուրասիրությամբ եւ հաղթող ճանաչվեցին «Եկեք ծանոթանանք»
մրցույթում: Եվ, ինչպես գրում է «Երկրամասը», թեեւ բուդյոնովսկյան
ամուսնական զույգը չհաղթեց ստավրոպոլյան գլխավոր «ընտանեկան»
մրցույթում, Արմենը եւ Արմինեն դարձան քաղաքային երիտասարդական
ընտանիքի, տաղանդավոր եւ հմայիչ մարդկանցից կազմված ընտանիքի
խորհրդանիշ: