Միացե՛ք, հիմա է ժամը. Արցախի նախագահի կոչն առաջնագծից
03-10-2020 14:43:35 | Արցախ (ԼՂՀ) | Հասարակություն
Արցախի Հանրապետության նախագահ Արայիկ Հարությունյանն, ով այս պահին գտնվում է առաջնագծում, իր ֆեյսբուքյան էջում գրում է.
«Հարգելի՛ հայրենակիցներ
Այս պահին շարունակում եմ գտնվել առաջնագծում։ Ինձ հետ են նաև ԱՀ և ՀՀ ԱԱԾ տնօրենները։
Տղաները փայլուն են կատարում իրենց առջև դրված մարտական խնդիրը։ Ոգևորված եմ մեր զինծառայողների քաջությամբ ու արհեստավարժությամբ և մեր կամավորականների նվիրվածությամբ։
Մի խոսքով, թե՛ առաջնագծում, թե՛ թիկունքում ամուր ենք կանգնած Հայրենիքի պաշտպանության սուրբ գործի դիրքերում։
Նորից կոչ եմ անում մեր ժողովրդի բոլոր զավակներին, միացե՛ք Հայրենիքի պաշտպանության գործին, հիմա է ժամը»։