ԵՐԵՎԱՆ, 19 ՄԱՐՏԻ, ՆՈՅՅԱՆ ՏԱՊԱՆ: Համաշխարհային բանկից տրամադրվելիք շուրջ 50 մլն ԱՄն դոլար կայունացման վարկերը Հայաստանին կփոխանցվեն առաջիկա երկու շաբաթվա ընթացքում: Ինչպես ՀՀ կառավարության մարտի 19-ի նիստում հայտնեց ֆինանսների նախարար Տիգրան Դավթյանը, այդ գումարները կուղղվեն փոքր եւ միջին ձեռնարկատիրության զարգացման ծրագերի ֆինանսավորմանը: Դրանք տեղաբաշխելու իրավունքը կվերապահվի ՀՀ Կենտրոնական բանկին, որն իր հերթին կվարկավորի առեւտրային բանկերին, վերջիններս էլ` ՓՄՁ-ներին: Վարչապետ Տիգրան Սարգսյանի խոսքերով, լրացուցիչ այլ ֆինանսական միջոցներ ներգրավելու ուղղությամբ նույպես քայլեր են իրականացվում, քանի որ վարկերի պահանջարկն ավելի մեծ է: Նա նշեց նաեւ, որ միջազգային կազմակերպությունների հետ կան պայմանագրեր, որոնք նպատակաուղղված են տարբեր ոլորտների ՓՄՁ-ի միջեւ համագործակցության ձեւավորմանը:

---