ԵՐԵՎԱՆ, 16 ՄԱՐՏԻ, ՆՈՅՅԱՆ ՏԱՊԱՆ: ՀՀ Ազգային անվտանգության ծառայության մամուլի կենտրոնի (ԱԱԾ) տարածած հաղորդագրության համաձայն, բացահայտվել եւ կասեցվել է կազմակերպված հանցավոր խմբի գործունեությունը, որը տեւական ժամանակ Երեւանում զբաղվել է առանձնապես խոշոր չափերի հասնող արտարժույթի անօրինական առուվաճառքով: Ըստ նույն աղբյուրի, խմբի կազմում ներգրավված են եղել Երեւանի բնակիչներ Վ.Միքայելյանը, Կ.Զաքարյանը եւ Է.Գալստյանը: Խբի անդամներն արտարժույթի փոխանակումներն իրականացրել են միայն նախնական պայմանավորվածությունների համաձայն: Վերջիններիս ծառայություններից օգտվել են հիմնականում Երեւանում եւ ՀՀ մարզերում գործող տարադրամի փոխանակման կետերը, ինչպես նաեւ առանձին քաղաքացիներ: Նրանց ակտիվ աջակցություն են ցուցաբերել ՀՀ որոշ առեւտրային բանկերի աշխատակիցներ` շահեկան պայմաններով առանձնապես խոշոր չափի տարադրամ փոխանակելով, ինչպես նաեւ արտարժույթի փոխարժեքի վերաբերյալ ժամանակին տեղեկատվություն տրամադրելով: Փաստի առթիվ ՀՀ ԱԱԾ Քննչական վարչության կողմից հարուցվել է քրեկան գործ, կատարվում է նախաքննություն:

---