Լոռու մարզից արցախցի ընտանիքներին հերթական աջակցությունն է ցուցաբերվել
14-12-2020 10:43:29 | Լոռու մարզ | Հասարակություն
Լոռու մարզպետարանից հայտնում են, որ Լոռու մարզի համակարգման կենտրոնի հետ համագործակցությամբ ԱՀԱԸ-ն «Շող» կենտրոնի միջոցով արցախցի ընտանիքներին ցուցաբերվել է հերթական աջակցությունը.
Դրամական աջակցություն՝ 3350000 ՀՀ դրամ (յուրաքանչյուր ընտանիքին փոխանցելով 80000-150000 ՀՀ դրամ. նախատեսված է 33 ընտանիքի համար):
Ցանկացողները ստացել են նոր բաճկոն և ձմեռային կոշիկներ, հագուստ:
Մինչև 1 տարեկան երեխա ունեցող ընտանիքներն ստացել են տակդիրներ:
Չորս անձից բաղկացած 1 ընտանիքի ամեն օր տրամադրվում է տաք սնունդ: Նույն ընտանիքին տրամադրվել են վերմակ և ներքնակ:
Կենտրոնի ծառայություններից օգտվելու է 4 ընտանիք:
1 ընտանիքի տրամադրվել է գույք (բազմոց, բազկաթոռներ, երկտեղանոց մահճակալ):
Նախատեսվում է 6-12 տարեկան երեխաներին տրամադրել դպրոցական համազգեստ, ամանորյա նվեր-փաթեթ, 2-12 տարեկաններին՝ նաև քաղցրավենիք:
2 ընտանիքի երեխաներ հնարավորություն կունենան ստանալ Ձմեռ Պապին գրված նամակի բոլոր նվերները բարերարների օգնությամբ:
ՀԱՅԵՐԵՆ
Русский
English
Դաս. հայերեն
French
