Խուճապի չմատնվել. Խնածախ և Այգեստան գյուղերի մերձակայքում զենք-զինամթերք է վնասազերծվելու

19-12-2020 11:15:53 | Արցախ (ԼՂՀ) | Հասարակություն

Արտակարգ իրավիճակների պետական ծառայությունից տեղեկացնում են, որ օրվա ընթացքում Ասկերանի շրջանի Խնածախ և Այգեստան գյուղերի մերձակայքում սպասվում է տարածքից հայտնաբերված զենք-զինամթերքի վնասազերծում:

Ծառայության սակրավորական ջոկատները և հումանիտար ականազերծման կենտրոն հիմնադրամը շարունակում են զինամթերքի հայտնաբերման և դրանց ոչնչացման գործընթացը:

«Պայթյուններ լսելու դեպքում խնդրում ենք խուճապի չմատնվել:

Մանրամասների համար զանգահարել ծառայության 911 ահազանգման կենտրոն»,- ասված է ԱՀ ԱԻՊԾ հաղորդագրության մեջ:

Նոյյան տապան - Հասարակություն