ԱԺ պատգամավոր Երջանիկ Հակոբյանի լիազորությունները դադարեցված են
19-12-2020 11:45:57 | Հայաստան | Հասարակություն
Ազգային ժողովը պատգամավոր Երջանիկ Հակոբյանի՝ պատգամավորի լիազորությունները դադարած համարելու մասին արձանագրություն է կազմել:
«Հիմք ընդունելով պատգամավորի հրաժարականի մասին դիմումը եւ առաջնորդվելով «Ազգային ժողովի կանոնակարգ» սահմանադրական օրենքի 154-րդ հոդվածի 1-ին մասի 6-րդ կետի պահանջով՝ դադարած համարել «Իմ քայլը» կուսակցությունների դաշինքի թիվ 1 ընտրատարածքի տարածքային ընտրական ցուցակով ընտրված պատգամավոր Երջանիկ Հակոբյանի՝ պատգամավորի լիազորությունները»,-նշված է արձանագրության մեջ:
Հիշեցնենք՝ Երջանիկ Հակոբյանը մանդատից հրաժարվելու դիմում էր ներկայացրել դեկտեմբերի 10-ին և տեղեկացրել, որ աշխատանքը կշարունակի ՊԵԿ-ում: