Հայաստանի բռնցքամարտիկները հաջող մրցելույթներ Վրաստանի
պատանեկան բաց առաջնությունում
02-02-2009 16:35:00 | Վրաստան | Սպորտ
ՔՈՒԹԱՅԻՍ, 2 ՓԵՏՐՎԱՐԻ, ՆՈՅՅԱՆ ՏԱՊԱՆ: Հունվարի 25-31-ին
Քութայիսում անցկացվեց Վրաստանի պատանեկան բաց առաջնությունը:
ԻՆչպես «ՆՏ»-ի թղթակցին հայտնեց Հայաստանի բռնցքամարտի ֆեդերացիայի
նորընատիր նախագահ, «Բամո հոլդինգի» համանախագահ Արման Մուրադյանը,
ֆեդերացիան 12 բռնցքամարտիկ էր գործուղել Քութայիս:
Կրտսերների մրցաշարում Տարոն Սողոմոնյանը (50 կգ) ճանաչվեց
1-ինը, իսկ Աշոտ Սաֆարյանը (40 կգ) գրավեց 3-րդ տեղը: Ավագ
տարիքայինների մրցաշարում անգերազանցելի էին Հենրիկ Մուքոյանը (42
կգ), Վահե Սարգսյանը (44 կգ) եւ Կոլյա Գրիգորյանը (48 կգ): Արթուր
Կիրակոսյանը (46 կգ) եւ Անդրանիկ Հլոյանը (54 կգ) կանգնեցին
պատվանդանի 2-րդ աստիճանին, իսկ Գագիկ Սարգսյանը (48 կգ)
բավարարվեց 3-րդ տեղով: