ԿՀԳՄ ԳՐԱԿԱՆ ԵՐԵԿՈ
Կալիֆորնիայի Հայ Գրողների Միության (ԿՀԳՄ) գրական հանդիպումը կայացավ հինգշաբթի, 2010
թ. հունիսի 3ին: Երեկոյան ժամի 5ից 6ը ընդունելություն, որի ընթացքում գիթառի նվագակցությամբ
ինքնագիր երգերով ելույթ ունեցավ երաժիշտ Զարեհ Մաթեւոսյանը: Ժամի 6ից 8ը կայացավ գրական
նիստ. ներածական խոսքով օրվա հեղինակին եւ գրական զեկուցաբերին ներկայացրեց ԿՀԳՄ
նախագահ, բանաստեղծ Գրիշ Դավթյանը: Հեղինակային ելույթ ունեցավ արձակագիր Սամվել
Մկրտչյանը իր ստեղծագործությունների ընթերցումով: Նա տարիների ընթացքում եղել է նվիրված,
գործունյա միութենական. հասարակական իր գործունեության հետ զուգընթաց նա
հրապարակագրական եւ գրական գրություններով ճանաչում է վաստակել թե միջարեւելքում, եւ թե
ԱՄՆում: Հեղինակել է երեք հատորներ: Գրական զեկուցում ներկայացրեց արձակագիր, Նոր
Հայաստան Օրաթերթի Խմբագրապետ Վահան Վահանյանը: Օրաթերթի տեր ու տնօրենի եւ
խմբագրապետի բազմազբաղվածությամբ նույնիսկ՝ նա ցայժմ հասցրել է հեղինակել հինգ
հատորներ. գեղարվեստական պատմվածքի, երգիծական մանրապատումների եւ փիլիսոփայության
պատմության թեմաներով, բնամիտերով: Վ. Վահանյանը որպես ձեռներեց գործարար սկզμնավորել
եւ շարունակում է Նոր Հայաստան Օրաթերթը մատակարարել հայ հասարակությանը՝ ձրիաբար. դա
հայ մամուլի պատմության մեջ աննախադեպ նախաձեռնություն է, գնահատելի ըստ ամենայնի:
Տեղի ունեցավ հարցուպատասխան, քննարկում: Գրական արժեւորումով ելույթ ունեցան
արձակագիր Պողոս Լագիսյանը, բանաստեղծ Գեւորգ Քրիստինյանը, արձակագիր Ռ. Կորյունը, գրող
Մարինե Տոնոյանը: Ավարտին՝ շնորհակալության խոսք ասաց օրվա հեղինակը: Տեղի ունեցավ
հյուրասիրություն: Էլնամակային հասցե. [email protected] .
ԿՀԳՄ