Վաշինգտոնում Սպիտակ տան առջեւ անցկացվել է բողոքի ակցիա
24-04-2010 21:30:00 | ԱՄՆ | Քաղաքական
ՎԱՇԻՆԳՏՈՆ, 24 ԱՊՐԻԼԻ, ՆՈՅՅԱՆ ՏԱՊԱՆ-ՀԱՅԵՐՆ ԱՅՍՕՐ: Վաշինգտոնում,
Սպիտակ տան դիմաց, Հայոց Ցեղասպանության 95-րդ տարելիցին առաջին
անգամ անցկացվել է բողոքի ակցիա: Այն կազմակերպել է ՀՅԴ Ամերիկայի
Հայ Դատի հանձնախումբը: Հավաքի մասնակիցները պահանջել են ԱՄՆ
նախագահից իր ամենամյա ուղերձում ճանաչել Հայոց Ցեղասպանությունը:
Ակցիայի մասնակիցները կրում էին հետեւյալ պաստառները.
«Օբամա', կատարիր խոստումդ», «Թուրքիա', բավական է հերքես
ցեղասպանությունը», «Մենք արդարություն ենք պահանջում», «Մենք
երբեք չենք մոռանա Հայոց Ցեղասպանությունը», «Թուրքիան դեռ
թաքնվում է իր ստերի հետեւում» պահանջներն ու կարգախոսները:
Վաշինգտոնում միջոցառումները շարունակվելու են նաեւ այսօր:
Ավելի ուշ հայտնի դարձավ, որ Բարաք Օբաման «ցեղասպանություն»
բառեզրը չի արտասանել: ԱՄՆ Նախագահն արտասանել է ցեղասպանություն
բառի հայերեն հոմանիշը` «Մեծ եղեռն»: