ԵՐԵՎԱՆ, 21 ԱՊՐԻԼԻ, ՆՈՅՅԱՆ ՏԱՊԱՆ: Ապրիլի 21-ին Ֆրանսիայի հրապարակին հարակից տարածքում «Ժառանգություն» կուսակցության «ՀԱՅՔ» երիտասարդական-ուսանողական միությունը կազմակերպել էր Հայոց ցեղասպանության ճանաչման գործընթացին նվիրված լուռ ակցիա: Ակցիայի ընթացքում բարձրացվել էին Ցեղասպանությունը ճանաչած երկրների դրոշները: Ըստ միության մամլո հաղորդագրության, ակցիայի նպատակն էր հիշեցնել հայ հասարակությանը Ցեղասպանության միջազգային ճանաչման գործընթացի մասին, ինչպես նաեւ մեկ անգամ եւս մատնանշել այն երկրները, որոնք ճանաչելով ցեղասպանության փաստը, իրենց պարտքն են կատարել համայն մարդկության առջեւ:

---