«ԱԱԾ-ն հայտարարում է, որ Հայաստանում առկա են զանգվածային անկարգությունների կազմակերպման և իրականացման իրական վտանգներ։
Անկեղծ լինենք. առանց ԱԱԾ հայտարարության էլ պարզ է, որ երկրում թևածում է քաղաքացիական բախումների ուրվականը։
Բայց այս հարցում հիմնական պատասխանատուն իշխանություններն են։
Երկրում զանգվածային անկարգություններ հնարավոր են, երբ գոյություն ունի վստահության ճգնաժամ։
Դա կարող է հաղթահարվել մի քանի ճանապարհով։
✓ Առաջին ճանապարհը` քաղաքական դիալոգն է, երբ երկրի ղեկավարը երկխոսության է կանչում ԱԺ-ում ներկայացված ընդդիմադիր խմբակցությունների ղեկավարներին ու փորձում են համաձայնություններ ձեւավորել` երկրում առկա լարվածությունը մեղմելու համար։
✓ Երկրորդ ճանապարհը` վարչապետի հրաժարականն է, եթե Նիկոլ Փաշինյանը համարում է, որ կորցրել է քաղաքական կամ բարոյական լեգիտիմությունը։ Այս պարագայում` խորհրդարանական մեծամասնությունը կարող է ընտրել նոր վարչապետ։
✓ Երրորդ ճանապարհը` ԱԺ արտահերթ ընտրությունների անցկացումն է, եթե իշխանությունը համարում է, որ նախորդ ընտրությունների մանդատը կորցրել է իր քաղաքական լեգիտիմությունը` իշխանության, ընդդիմության կամ երկուսի վարքագծի հետեւանքով։
✓ Չորրորդ ճանապարհը` իշխանության հստակ ուղերձներն են հասարակությանը ու ներքաղաքական կայունությունը վերականգնելու գործողությունները, եթե Փաշինյանը կարծում է, որ ինքը շարունակում է ունենալ վստահության մանդատ, իսկ ընդդիմությունն արհեստական էսկալացնում է իրավիճակը` ոչ քաղաքական մոտիվներով։
Ամփոփում. եթե այս քայլերից որեւէ մեկն իշխանությունը չի անում, ապա ինքն է կամա թե ակամա գեներացնում զանգվածային անկարգություններ»։
ՀԱՅԵՐԵՆ
Русский
English
Դաս. հայերեն
French
