Մոլդավիայում ձերբակալվել են անկարգությունների 193
մասնակիցներ
08-04-2009 15:42:00 | Մոլդովա | Միջազգային
ՔԻՇՆԵՎ, 8 ԱՊՐԻԼԻ, ՆՈՅՅԱՆ ՏԱՊԱՆ: Մոլդավիայի ոստիկանությունը
ձերբակալել է Քիշնեւում տեղի ունեցած զանգվածային
անկարգությունների 193 մասնակիցների, այդ թվում ութ անչափահասների,
հաղորդում է «Նովոստի» գործակալությունը:
Ինչպես հայտնել է Մոլդավիայի ՆԳՆ մամլո կենտրոնի պետ
փոխգնդապետ Ալլա Մելեքան, Քիշնեւի իրավապահ մարմինների
աշխատակիցները ձերբակալել են անկարգությունների մոտ երկու հարյուր
մասնակիցների:
«Նրանց ներկայացվել են ավազակության, խուլիգանության,
կողոպուտի, ավազակային հարձակման մեղադրանքներ: Նրանց մի մասին
սպառնում է քրեական հետապնդում, մի մասին էլ` վարչական պատիժ»,-
ասել է ՆԳՆ ներկայացուցիչը: