Ֆիդել Կաստրո. Կուբան չի վախենում ԱՄՆ-ի հետ բաց
երկխոսությունից
06-04-2009 17:30:00 | Կուբա | Միջազգային
ՀԱՎԱՆԱ, 6 ԱՊՐԻԼԻ, ՆՈՅՅԱՆ ՏԱՊԱՆ: Կուբան չի երկյուղում ԱՄՆ-ի
հետ բաց երկխոսությունից եւ չի ցանկանում դիմակայություն
գոյատեւման նպատակով: Այս մասին հերթական հոդվածում, որ տարածվել է
պաշտոնական խողովակներով, հայտարարել է կուբայական հեղափոխության
առաջնորդ Ֆիդել Կաստրոն:
«Մենք չենք վախենում ԱՄՆ-ի հետ երկխոսություն սկսելուց: Մեզ
պետք չէ առճակատում գոյատեւելու համար, ինչպես կարծում են որոշ
հիմարներ»,- հոդվածում նշում է Կաստրոն:
«Մենք կանք այն պատճառով, որ հավատում ենք մեր գաղափարներին,
եւ երբեք չենք վախեցել հակառակորդի հետ բանակցությունների մեջ
մտնելուց, եւ դա միակ ձեւն է ժողովուրդների միջեւ բարեկամության եւ
խաղաղության առաջմղման համար»,- գրում է նա: