ԼՈՆԴՈՆ, 3 ԱՊՐԻԼԻ, ՆՈՅՅԱՆ ՏԱՊԱՆ: Չինաստանի եւ ԱՄՆ-ի իշխանությունները մտադիր են վերականգնել փոխանակումները երկու երկրների պաշտպանական գերատեսչությունների գծով: Համապատասխան համաձայնություն ձեռք է բերվել հինգշաբթի G-20-ի գագաթնաժողովի շրջանակում ԱՄՆ-ի նախագահ Բարաք Օբամայի հետ ՉԺՀ նախագահ Խու Ցզինտաոյի Լոնդոնում կայացած առաջին հանդիպման ընթացքում: Երկու երկրների պաշտպանության նախարարությունների գծով պատվիրակությունների փոխանակությունները ՉԺՀ կողմից ընդհատվել էին 2008 թվականի նոյեմբերին ի նշան բողոքի Տայվանին սպառազինությունների նոր խմբաքանակների ամերիկյան մատակարարումների դեմ:

---