Վահան Քերոբյանը Միխայիլ Միշուստինին է ներկայացրել Հայաստանի տնտեսության գերակա ոլորտները
06-07-2022 11:57:52 | Հայաստան | Մամլո հաղորդագրություն
Ռուսաստանի Դաշնության վարչապետ Միխայիլ Միշուստինն այցելել է Եկատերինբուրգում, INNOPROM XII միջազգային արդյունաբերական ցուցահանդեսում Հայաստանի Հանրապետության տաղավարը:
ՌԴ վարչապետին դիմավորել է ՀՀ էկոնոմիկայի նախարար Վահան Քերոբյանը։ Նա պատմել է տնտեսության գերակա ոլորտների մասին, ներկայացրել հայկական ընկերությունների՝ SmartTechnologies-ի, profAL-ի, Երևանի ոսկերչական գործարանի արտադրանքը, ինչպես նաև Գյումրիում «Չոր նավահանգիստ» նախագիծը։
Կողմերն ընդգծել են համագործակցության կարևորությունը, նաև նշել խնդրահարույց հարցերը և կարճ ժամանակում դրանց լուծման ուղիները։