Առցանց դասընթաց՝ երիտասարդ դիվանագետների և պետական պաշտոնյաների համար
07-07-2022 15:17:38 | Հայաստան | Մամլո հաղորդագրություն
Վիեննայի դիվանագիտական ակադեմիան 2022 թ. օգոստոսի 8-ից 26-ը Սևծովյան և Հարավկովկասյան տարածաշրջանների երիտասարդ դիվանագետների և պետական պաշտոնյաների համար կազմակերպում է «Եվրոպական և միջազգային հարաբերություններ» թեմայով առցանց դասընթաց:
Դասընթացին մասնակցելու համար հայտ կարող են ներկայացնել առնվազն 1-4 տարվա աշխատանքային փորձ ունեցող մինչև 38 տարեկան դիվանագետներ և հանրային ծառայողներ: Անգլերենի գերազանց իմացությունը պարտադիր է:
Դասընթացին մասնակցության համար անհրաժեշտ է գրանցվել մինչև ս.թ. հուլիսի 10-ը Վիեննայի դիվանագիտական ակադեմիայի կայքի հետևյալ հղմամբ՝ https://www.da-vienna.ac.at/Black-Sea-2022։
Բացի անձնական տվյալներից, թեկնածուներից պահանջվում է ներկայացնել անձնագրի պատճենը և մոտ 1000 նիշից բաղկացած մոտիվացիոն նամակ՝ անգլերենով։ Դասընթացին առնչվող մանրամասները՝ կից նյութերում, հարցերի դեպքում անհրաժեշտ կոնտակտային տվյալներ՝ էլ. փոստ՝ petra.kakuska@davienna.ac.at, հեռախոս՝ +43 1 505 72 72 – 116։
ՀԱՅԵՐԵՆ
Русский
English
Դաս. հայերեն
French
