Հրշեջները մեկուսացրել են Վայք-Զեդեա ավտոճանապարհին գազատար ավտոմեքենայում բռնկված հրդեհը
16-08-2022 19:11:11 | Վայոց ձորի մարզ | Մամլո հաղորդագրություն
այոց ձորի մարզային ճգնաժամային կառավարման կենտրոնն օգոստոսի 16-ին, ժամը 15:00-ին ահազանգ է ստացել, որ Վայք-Զեդեա ավտոճանապարհին այրվում է գազատար ավտոմեքենա։
Ինչպես տեղեկացրին ՀՀ արտակարգ իրավիճակների նախարարությունից, դեպքի վայր է մեկնել ԱԻՆ Փրկարար ծառայության մարզային փրկարարական վարչության հրշեջ-փրկարարական ջոկատի երկու մարտական հաշվարկ։
Ըստ աղբյուրի՝ հայտարարվել է հրդեհի բարդության Թիվ 2 կանչ․ դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատների ևս երկու մարտական հաշվարկ։