Բակո Սահակյանը ցավակցական հեռագիր է հղել Բելառուսի նախագահին
13-04-2011 18:49:54 | Հայաստան | Քաղաքական
Արցախի հանրապետության նախագահ Բակո Սահակյանը ապրիլի 13-ին ցավակցական հեռագիր է հղել Բելառուսի Հանրապետության Նախագահ Ալեքսանդր Լուկաշենկոյին` Մինսկի «Օկտյաբրսկայա» մետրոպոլիտենում տեղի ունեցած ահաբեկչության կապակցությամբ:
Հեռագրում ասված է.
«Մեծարգո Ալեքսանդր Գրիգորիի,
Լեռնային Ղարաբաղի Հանրապետության ժողովրդի, իշխանությունների եւ անձամբ իմ անունից խորին ցավակցություն ու զորակցություն եմ հայտնում Ձեզ եւ Բելառուսի եղբայրական ժողովրդին Մինսկի <<Օկտյաբրսկայա>> մետրոպոլիտենում տեղի ունեցած չարամետ ահաբեկչական գործողության կապակցությամբ, որը անմեղ զոհերի պատճառ է դարձել:
Այս համաժողովրդական վշտի պահին մենք ձեզ հետ կիսում ենք ծանր կորստի ցավը, հոգու արիություն եւ տոկունություն մաղթում զոհվածների հարազատներին ու մերձավորներին»: