ՆՅՈՒ ՅՈՐՔ, 20 ՄԱՐՏԻ, ՆՈՅՅԱՆ ՏԱՊԱՆ: Ամերիկյան Նյու Յորքի
նահանգի Օրանժի օկրուգում հաջողությամբ փորձարկվել է թռչող
ավտոմեքենա, հաղորդում է ԻՏԱՌ-ՏԱՍՍ-ը:
Ավտոմեքենան իր հեղինակներից ստացել է Terrafugia Transition
անվանումը: Ըստ սարքն ստեղծողներից մեկի` Կարլ Դիտրիխի, Terrafugia
Transition-ն ծալվող թեւերով ավտոմեքենայի առաջին մոդելն է:
«Նման ավտոմոբիլի ստեղծումը հեղափոխություն է անձնական
տրանսպորտի ոլորտում»,- վստահ է Դիտրիխը:
Մեքենան ի վիճակի է մեկ բաք վառելիքով հաղթահարել 640 կմ
օդային տարածություն: Ընդ որում, ճանապարհի յուրաքանչյուր 50 կմ
համար ծախսում է 1 գալլոն (3,8 լիտր) վառելիք: Օդում ավտոմեքենան
զարգացնում է ժամում 184 կմ արագություն: Վայրէջքից հետո չորս
անիվներ ունեցող Terrafugia Transition-ի թեւերը 15 վայրկյանում
ծալվում են, եւ նա արդեն իբրեւ երկտեղանի ավտոմոբիլ կարող է
խառնվել քաղաքային ավտոհոսքին:
Terrafugia Transition-ն ստեղծողները համոզված են, որ արդեն
2011 թվականին հնարավոր կլինի սկսել նրա զանգվածային
արտադրությունը: Ներկայումս թռչող ավտոմեքենայի արժեքը կազմում է
194 հազար դոլար: