Լողորդուհի Անահիտ Բարսեղյանը սահմանեց Հայաստանի նոր ռեկորդ
19-03-2009 19:10:00 | Հայաստան | Սպորտ
ԵՐԵՎԱՆ, 19 ՄԱՐՏԻ, ՆՈՅՅԱՆ ՏԱՊԱՆ: Մարտի 19-ին Երեւանում
ավարտվեց Հայաստանի լողի առաջնությունը, որին մասնակցեցին Երեւանի
եւ Գյումրիի 11 ակումբների 136 մարզիկ-մարզուհիներ:
Բարձր արդյունքներով աչքի ընկան Պեկինի օլիմպիական խաղերի
մասնակից Միքայել Քոլոյանը, Նորայր Ղազարյանը, Արթուր Բանդուրյանը,
Սերգեյ Պիեւնեւը, Անահիտ Բարսեղյանը: Վերջինը 100 մ թիկնալողում
1.09.99 վրկ արդյունքով սահմանեց Հայաստանի նոր ռեկորդ:
Առաջնության արդյունքներով ընտրվեցին այն 7 լավագույնները,
ովքեր կնախապատրաստվեն հուլիսի 20-ին Հռոմում մեկնարկելիք աշխարհի
առաջնությանը: