Լողորդուհի Անահիտ Բարսեղեանը սահմանեց Հայաստանի նոր ռեկորդ
19-03-2009 19:10:00 | Հայաստան | Սպորտ
ԵՐԵՎԱՆ, 19 ՄԱՐՏԻ, ՆՈՅԵԱՆ ՏԱՊԱՆ: Մարտի 19-ին Երեւանում
աւարտուեց Հայաստանի լողի առաջնութիւնը, որին մասնակցեցին Երեւանի
եւ Գիւմրիի 11 ակումբների 136 մարզիկ-մարզուհիներ:
Բարձր արդիւնքներով աչքի ընկան Պեկինի օլիմպիական խաղերի
մասնակից Միքայէլ Քոլոյանը, Նորայր Ղազարեանը, Արթուր Բանդուրյանը,
Սերգեյ Պիեւնեւը, Անահիտ Բարսեղեանը: Վերջինը 100 մ թիկնալողում
1.09.99 վրկ արդիւնքով սահմանեց Հայաստանի նոր ռեկորդ:
Առաջնութեան արդիւնքներով ընտրվեցին այն 7 լաւագոյնները,
ովքեր կնախապատրաստուեն յուլիսի 20-ին Հռոմում մեկնարկելիք աշխարհի
առաջնութեանը: